DREAM HOUSE

New Blog迎新歲

2006-02-08T23:30:00.000-08:00

新一年買了新袋,新衫,有雙糧出又加左少少人工,利是錢都算ok...um...,好啦,換個new blog賀一下,不用花錢又開心!

http://www.wretch.cc/blog/cobikwong

開心過新年

2006-01-29T23:20:00.000-08:00

太好了,終於在過年前買了新手袋,仲係Gucci添,滿足哂我的虛榮心!真係多得媽媽和bf兩隻魔鬼大力吹棒!不過之後幾個月都要節儉,暫且以苦行僧生活度日喇,因為有情人節,bf生日,最重要是春夏來臨又要換季!真係多多錢都不夠用!! 今年雖然沒有行花市,沒有去銅鑼灣,但留在沙田都很開心,因為在帝都吃了buffet dinner,又收到Monchichhi 枕頭/床單/被袋套裝禮物,仲睇埋午夜場先返屋企.Good ar.
新年願望:希望屋企人同自己都身體健康

2005大大小小無聊事

2006-01-08T22:11:00.000-08:00

2005年一陣風就過去,回想這一年總算風平浪靜,只是上半年是比較多事發生,工作量也較重,數著數著都是無聊事佔多……

>家姐結婚了,回家有點悶.不過20多年來可以一試睡下層床滋味
>家姐入院,全家緊張,好在當然無事啦
>屋企擁有第一張sofa
>家人經常弄壞電腦又不承認過錯
>公司第一次有同事因出trip而去世,一片愁雲慘霧
>Supervisor急病入院做手術,休假一個月,被迫takeover佢所有工作量,變相無端端升職,但人工拖左好耐先加
>第一次帶外國客行廠
>與bf東京5天自由行,樂而忘返
>跟bf長達一個月的冷靜期
>收到bf第一次送的flower
>還清政府貸款,輕鬆哂
>LV銀包爛了><
>第一次用碗歎紅酒
>買了第一部MP3
>去左電話座談會坐左幾粒鐘賺左$250
>跟表妹& her friends唱k,第一次覺得自己年紀大唔夠佢地玩
>新偶像RAIN登場,正
>第一次攀石,在山澗打邊爐
>買了很多無聊玩具
>係大陸洗頭,雖然平.但不會有下次
>在大陸吃生蟹

淨係記得咁多咋,有再補充啦!!

Happy New Year 2006

2006-01-01T00:22:00.000-08:00

今個除夕bf竟然遺下我走去同佢班friends係聯誼會倒數,雖則佢地好耐無見,但都唔應該呢日聚會,呢件事我已周圍唱兼講足幾年!好在仲有朋友k仗義陪我唱k行街飲野,佢一身悉心打扮仲搞到我好唔自在,因為我只係牛仔褲,素顏,連耳環都沒戴,激氣呀,成晚俾佢威哂呀!本來我們打算玩懷舊唱k,點知點哂金曲都未開始唱便要交房,飲恨!!還有我們的Forget-me-not,竟然被某基督團體包場,自己band唱福音歌,我們真正感受到基督教都有錢的.Anyways, HAPPY NEW YEARS!!

另外都要多謝朋友v & her bf,因為佢地知我12/31無人理,call左班friends搞party,雖然我無去到,但真係Thanks a lot!!

Merry Christmas

2005-12-28T11:17:00.000-08:00

今年聖誕節沒有看燈飾,沒有看電影,沒有玩至通宵達旦,但是滿開心的.

第一次過聖誕連續兩天吃日本菜,而且同是在山林道,好在不是同一店舖!首先12/23當然我們朋友123慶祝啦,那間”大盛”認真唔得,食物差,服務唔好,最後order的手卷變了小卷,仲夠膽要求我們打包走!雖然限一小時用膳,過左少少都無理由被無禮對待呀嘛. 今年我們真係滴酒不沾,去Shooter都無飲芝華氏可樂,仲好健康玩scrable!至於X’mas Gift?緊開心啦,全部都係要動腦筋的小手作禮物,有排忙呀!

12/24 bf無訂飛睇戲,俾我鬧左一餐.Dinner是walk-in一間叫味一番的日本菜,想不到沒有因xmas加價,而且很美味!小小餐廳很有日本風味,推介天婦羅生蠔,連殼上大大隻,好味.切記不要吃麵,不是太好吃,而且會好飽.另外還吃了三文魚刺身,一板海膽,燒牛肋骨,埋單$360都算平!

12/25-12/27跟bf & his family參加了潮汕3天團,老實講真係無景點,無好野食兼坐要6個鐘車程認真悶到震,唯一好處是酒店5星級,非常舒適. 好在bf有同事在潮汕,才可以真正吃地道美食.我發現潮汕人很喜歡生吃,如生蟹,蝦,蠔仔,豆腐[註:不像日本般清潔],很駭人,我們都叫了一隻蟹試試,其實是鮮味的,不過誰也不敢吃生蟹蓋!最好味的是蔬菜,可能是當地人親手種,所以很新鮮.我們叫了很多餸,竟然只須$35!!還有手打拉麵及冰糖葫蘆,想不到可以很美味,特別是冰糖葫蘆,真是喜出望外.如果我認得路,又可以同朋友自由行來飲食玩喇.

Gift List

2005-11-16T09:15:00.000-08:00

bf這幾天要上大陸training,百無聊賴的我每晚都PSP(忘了告訴大家PSP已落入手中^0^). 這天偶發奇想:下月便是聖誕,會收到什麼禮物呢?會否是我想要的東西?想要的禮物很多呢!想著想著便動手打了一份禮物清單,列明預算金額,有效日期由今年聖誕至2006年,更配以特別的框線,字體,顏色,一份簡約Gift List打造而成!每逢特別節日,即可從清單挑選禮物,bf收到定必驚喜萬分!我把Gift List重複看了很多遍,最後沒有send出,只是儲存在cobi folder,有時間會打開它,想想我的計劃,因為我決定自己將它實現!始終靠人不如靠自己,免得希望愈大,失望愈大. 只嘆真心願意花錢在自己身上的人難尋@_@

Poor Fish Fish

2005-11-12T11:36:00.000-08:00

興之所至,終於落實養魚魚. 由於尚欠bf生日禮物(4月拖欠至今!!),魚缸等設備自然由我支付,小小的方形魚缸,配備了藍燈,濾水器,發熱棒,溫度計,真是麻雀雖小,五臟俱全, 我們都很滿足. 但我們沒有立即買魚, 反而再花了不少時間選擇水草,滿腦都是如何裝飾魚缸,買什麼顏色的沙石及泥土才襯色呢?很是煩惱. 最後才草草的選了5條淺藍斑馬魚,還差點忘記買魚糧!
坐了長途車由旺角到屯門,魚魚都仲未反肚,好彩! 跟著真是忙透了,又要洗缸,又要洗沙,裝濾水器,依著程序的確是一絲不苟的. 不知怎的,本來清澈的水卻漸變淡黃, 最後重俾我們搞到泥黃色, 情況非常惡劣,相信是用來種水草的泥滲出來,我們又把水翻來倒去, 弄至如斯地田,可幸的是魚魚和水草還未放入魚缸.呵呵! 最後是在附近重新再買沙石, 加上bf爸爸回來協助, 魚魚水草才不致在膠袋過宿!

Cousin from US

2005-10-27T23:31:00.000-07:00

算起來,Brain也有10年沒回來香港了,要不是工作關係,他的老闆出機票給他,他也不知何時會回來, 因為在美國訂機票實在太貴了! 這些年來都流傳不利的消息: 說他啪藥,被女友甩掉,讀完電腦只在書店當臨職...等等. 流言真係得人驚呀! Brian一早同女友復合啦,係就係做書店,不過已經轉左長工啦,係美國三聯做Assistant Manager,今次返香港之外仲要去台灣&大陸搞網頁d野至真!雖然三聯在美國只是小公司,但總算ok啦.
Brian返黎最大的節目就係Eat & Shop,我同家姐都特登請半日假陪去架,都唔知係咪係美國生活得耐,佢真係趕唔上香港節奏,切野食又慢,shopping又揀來揀去,我都shop左兩樣野佢都唔出手,真係火都黎呀.最後在我們威迫下才買了一件New Balance外套咋! 另外一提是Brian不像香港男性般幽默活潑,和他出街的確悶了點點 >_<
是日lunch在金滿庭(在奧海城)吃上海菜,今次都係第二次吃,很 good,推介要吃熏蛋和高力豆沙!至於dinner...在家姐力薦下,在TST一間簡陋的正宗韓國餐室用膳,我以後都唔會去呀!

RAIN It's raining

2005-09-28T21:39:00.000-07:00

連日都是下雨天,心情準是不佳.

在滂沱大雨的早上,踏上巴士收傘的一刻,"啪啦一聲"傘子沒了,像大閘蟹般撐開不能收下,不知多少眼睛看著我東倒西歪地把傘子勉強摺好,好不尷尬!巴士又擠又迫又沒有坐位,擔心的豈止是傘子不小心彈開,更重要是祈求下車時不要再下雨!可幸上天的眷顧,還可以告訴同事下雨不用帶傘!

另一個下雨的日子,坐巴士回家途中,一陣怪聲過後,車子開始放緩,乘客已估計巴士在隧道中爆軚了.心想真是黑透,難道要在隧道下車?怎辦?可是巴士依然緩緩的向前走,沒有停下來的意欲,司機也沒有宣告甚麼.雨仍然下著,車子穿過隧道,終於停在一旁,大夥兒準備下車之際,車子卻又開動!司機先生,前面是斜路!對呀,司機沒交待什麼,又慢慢的駛下去,直到車站停止!我也不知司機是對或錯,其實總是危險,可是和朋友談起,卻又成了笑料一則. ><

雨天的日子,令人稍稍一陣的,就是Rain的全新DHC廣告,真確是超有型,超靓仔,看了令人心情舒暢!我的一個同事本來不覺Rain有型的也大讚一番,另眼相看哦!就連朋友的小貓的命名亦改了Rain呢,雖然她是帶點揶揄,我卻覺得滿有趣!

Silly Thing

2005-09-27T23:49:00.000-07:00

(1) 估不到買麵包都可以賒數!!勁! 同事告訴我在早上八時買$10早餐,赫然發現只有大鈔$1000,小小麵包鋪在大清早何來$990零錢?仁慈的老闆就這樣叫她下次經過才付款.咁就俾佢呃左個早餐喇!

(2) 唔知點解公司d鉛筆成日都會唔見,都唔知邊個無公德心!今日同事和我討論order,我望住佢放低支佢鉛筆係我臺就走0左.我緊係唔出聲收埋支筆啦,如果佢問番我見唔見佢支筆,我一定話無架,說不定支筆本來是我的呢!! ^o^

Liability --> STOP!

2005-09-13T22:06:00.000-07:00

太好了,等了五年,一到10月1日,終於還清大學貸款喇!今年轉季可以買多點衣飾,儲多一點點錢,計劃下次旅行,或是買一點無聊小玩意,總之開心!
回想這幾年的還錢血淚史,真是辛酸又痛苦.剛畢業時薪俸才$8000,沒有儲蓄習慣的我每到還貸款的月份(每三個月一次),便要過著苦行僧的生活.試問薪金減去貸款$4772,再扣除家用$3000,只剩數百元怎過活?!所以今次一定要大肆慶祝,好似慶祝國慶一樣要放煙花,更要去看煙花!

Cheer~~

2005-09-11T20:46:00.000-07:00

為應朋友生日的特別要求,我已預先在網上做足準備,可能新加坡風味始終未普及,唯有選了一間尚有名氣,以泰國為招徠的落手. 我們一行三人在預訂時間到達,甫一進去,女招待已急不及待迎接我們,更帶我們到最近門口,非常開揚的位置.但我們是女士嘛,人來人往,被人看到怎行?!我們轉到較安靜位置後,立即在名單上指指點點,要求Discount.

原以為請外傭才會貨不對辦,想不到叫雞也逃不開這命運:隻雞又乾又鞋,完全提不起興趣.好在個蟹鮮味又多汁,總算物有所值.雖然我們搞到成手汁,十分dirty,但的確十分滋味,回味無窮!!

總括在銅鑼灣黃珍珍的菜單:
1.咖哩炒蟹---非常Good,正!
2.牛肉+雞肉串燒---一般貨色,毫無驚喜
3.南乳燒雞---十個差呀!!

至於高潮,當然是送禮物時間,一如以往,朋友拆禮物的無奈表情非筆墨形容,我們都看得很開心^^

Bad Luck

2005-09-08T22:27:00.000-07:00

* 早前買左iPod Mini, 好開心咁諗住可以隨時聽歌仔啦, 點知部電腦唔support套software!

* 算數, 帶哂成套裝備去Bf 屋企 install, 裝好哂先發現佢無download歌!
* 都算, 即刻 download 最hit最想聽0既歌,又唔知點解 boardband 好慢,搞左好耐先得18首歌!
* 激氣, 4GB iPod 得 18首歌真係搞笑, 所以我決定 upgrade 部電腦!
* Good! 前日終於 upgrade 成功, 一口氣 transfer 好多歌係 iPod 喇!
* 今日, 電腦 Mon 俾個黑面我睇......

* 我已經無電視睇啦 (爸媽只看亞視),依家連電腦都壞左, 想點呀! HELP!

Cell Phone

2005-09-06T13:58:00.000-07:00

忽然間好想換手機! 其實身邊有不少朋友都換了新機, Bf 看手機我也不大熱忱的, 直至看了表妹 Motorola V3, 真的好吸引!! 雖然沒有MP3功能, 相機只有 30 萬像, 但外觀使用飛行航空器的鍍合金材質的黑色V3，彷彿是精品旗艦店中的精緻藝品。打開闔蓋，內部也採用高質感的鋁鎂合金金屬，展現高檔質感! 好, 一於 trade-in 舊機, 再分期付款.

Simply Life

2005-09-04T16:49:00.000-07:00

每天都是規律又平淡的生活,的確是有點點的沉悶和呆板,沒辦法改變的話,唯有換個角度去享受它吧!